تشى نبيل

وكما قال الشاعر MERRY CHRISTMASS EVERY BODY

يعنى العواف كل سنة وانتوا طيبين

عام جديد يبدأ بعد ايام قليلة وهذه قائمة امنياتى فى العام الجديد لعل وعسى تتحقق

1. طبعا الاهلى يفضل الاول دائما ويكسب كل المباريات والبطولات
2. الزمالك ربنا يكرمه وينفخ فى صورته ويأخد تانى الدورى
3. العرجون ربنا ………………………. انت عارف بقى يارب
4. مصر بلدنا تبقى للمصريين يبقى فيها مصريين وبس وديانتهم دى تبقى اخر حاجة يعرفوا بها نفسهم يعنى مصرى ويسكت ولو اتسأل يبقى يقول مسلم ولا مسيحى
5. ربنا يسهل ويساعدنى اروح شركة كبيرة كده ووظيفة احسن
6. مصر تكون احسن واوقوى وافضل واجمل وانظف
7. مصر تبقى الاولى فى مكافحة الفساد
8. تتفكك جماعات الاسلام السياسى كلها من الاخوان للجهاد
9. احضر حفلة ل WEST LIFE فريقى المفضل
10. يبقى 2009 احلى من 2008

وانتوا امانيكوا تكون ايه؟

الاول كل سنة وانتم طيبين بمناسبة كبشة الاعياد اللى فى البلد دلوقتى

كمان 3 ايام حنحتفل بعيد النصر فى بورسعيد فاكرينه؟

الاحتفال بالنصر على العدوان الثلاثى 1956

طب وايه اللى فكرنى انا بيه؟

بينى وبينكوا قارنت بين الشعور الوطنى ايامها والشعور الوطنى-لو لسه موجود- دلوقتى

وسألت نفسى لو قامت حرب دلوقتى حيكون موقف الناس ايه؟

وسألت نفسى هو ده غلطة ميين؟

وبين وبينكوا غلطتنا احنا الاتنين غلطة البلد وغلطة  المواطن

غلطة البلد فى ترك المواطن للفقر والمرض

غلطة البلد فى طوابر العيش وادام المصالح الحكومية

غلطة البلد فى عذاب تجهيز ورق الجيش قبل التجنيد

غلطة البلد لما نبقى مؤهلات عليا ونتهان من عساكر علشان نعمل ورق لخدمة وطنية

ولا ندفع 5 جنيه علشان الفيش والتشبيه

غلطة البلد ان مافيش قانون يطبق على الكل بلا رحمة

وغلطة المواطن انه عاوز ياهد من غي ما يدى

انه بص لفوق من غير ما يحسن نفسه

وغلطته الكبيرة انه ما صرخش ضد الغلطات اللى فى حقه

فكروا معايا فى الجملة دى

مواطن ووطن ووطنية ومواطنة كلهم جايين من كلمة واحدة هى مجرد صدفة؟

النهاردة 6 ديسمبر عيد ميلادى

ميرسى ليكوا على كل سنةوانت طيب

بس المشكلة ان النهاردة اول عيد ميلاد ليا من 9 سنين من غير شلتى الانتيم

من غير اغلى الناس عندى شلة leathal M group

عاوز اقول انى افتقدهم جدا جدا جدا جدا

احنا مفترقناش بس كلهم اتجوزوا وسافروا

انا بافتقد سالةنص الليل علشان يكونوا اول ناس يهنونى

وتليفون الكبيرة بتاعتنا علشان تقولى كل سنة انت طيب

وعيد الميلاد المجمع لاربع افراد من الشلة فى يوم واحد

واهم من كل ده دفء المشاعر اللى يتحدى ثلوج الاسكا والقطبين

واحشتوووونى جددااااا

بس لازم نقول

وبيمر الزمن بينا

يغير لون ليالينا

ونتوه بين الزحام والناس

ويمكن ننسى كل الناس

ولا ننسى حبايبنا

اعز الناس حبايبنا …اعز الناس حبايبنا

الانفراد ده مش حتلاقيه فى اى حتة تانية

حمل الان النص الكامل لوثيقة المراجعات الفقهية لتنظيم الجهاد المصرى

“ترشيد الجهاد فى مصر والعالم”

بقلم  الامير السابق والمؤسس ومفتى التنظيم د/ سيد امام

رابط التحميل

http://www.4shared.com/file/31209458/3d67b408/MORAJA3AT.html

وتشى نبيل وبشير……تشى نبيل وبشير…….تشى نبيل والجووون

فقط لاعضاء وزوار تشى نبيل حمل الكتاب الممنوع للفريق سعد الدين الشاذلى “مذكرات حرب اكتوبر”

الذى بسببه حكم عليه بالسجن 3 سنوت ووضع تحت اقامة الجبرية بعدها

الفريق سعد الدين هو رئيس الاركان فى اثناء الحرب

التحميل على الرابط التالىhttp://www.4shared.com/file/25917923/62b1e2d9/______.html

وايه رأيكم لو عملنا صفحة للكتب كل شهر كتاب جديد اكتبوا رأيكم فى التعليقات

ربما الموضوع اللى حأتكلم فيه يكون غريب لعدد كير من اصدقائى بس اسمحوا لى اتكلم معاكوا بحرية

القرأن انا كمسلم اؤمن انه كتاب الله انزله على رسول الكريم - صلى الله عليه وسلم- على مدار الرسالة وهو كلام الله الغير مخلوق وأنزله بواسطة الروح الامين جبريل

انا ليا ورد يومى انى اقرأ كل يوم جزء كامل وبقالى على كده 5 سنين والحمد لله بس مع القرأة لازم نشغل عقلنا ودى بعض النقط اللى شغلت فيها عقلى

1- يؤسس القرأن لوحدة عضوية بين كل رسالات الانبياء فمثلا فى سورة الاعراف وسورة الشعراء حنجد ان كل نبى قال لقومه نص واحد رسالة واحدة انما الهكم اله واحد فاتقوا الله واطيعون بمنتهى البساطة وهى نقطة اشار اليها الاستاذ احمد رجب فى قصص الانبياء

2- فىنفس الوقت يؤسس القرأن لوحدة عضوية بين الكفار على مر العصور فردهم واحد سواء زى ما قالوا لسيدنا ابراهيم ” بل وجدنا ابائنا كذلك يفعلون” او “اناعلى اثارهم مقتدون” وبعد كده “طيرنا بك وبمن معك” و”ما نرى اتبعك الا اراذلنا بادى الرأى” وفى الاخر “فأتنا بما تعدنا ان كنت من الصادقين” يعنى عناد وتعصب لما ورثوه من الاقدمين ثم استهزاء وفى الاخر تحدى وطلب العذاب

3- كل الانبياء يؤكدوا على “ما انا الا بشر مثلكم” وبالتالى القرأن ايضا يوضح انهم وهم المعصومين لهم هفوات بشرية سواء فى شك ابراهيم وعزير فى البعث حتى شاهدوه بأعينهم او تساؤل نوح عن ابنه بعد الطوفان او قتل موسى للمصرى دفاعا عن الاسرائيلى بنى جلدته وحتى عتاب الله فى القرأن للرسول عندما ترك عبد الله بن مكتوم فى سورة عبس فأين هؤلاء ممن يسودون الدنيا فى وجوهنا على الهمسة؟

4- تتميز امة الاسلام فى الخطاب القرأنى عن بقية الامم وخاصة اهل الكتاب اذ يقول اهل الكتاب دائما لانبيائهم “اذهب انت وربك فقاتلا انا هاهنا قاعدون”  او ” هل يستطيع ربك ان ينزل علينا مائدة من السماء” ماعدا المرة الوحيدة النى قال فيها الحواريون لعيسى عندما قال من انصارى الى الله قالوا نحن انصار الله واشهد بأنا مسلمون اى انهم اتبعوا الاسلام عندما قالوا “ربنا امنا بما انزلت واتبعنا الرسول فاكتبنا مع الشاهدين” فى الاية التالية مباشرة وكانت تلك هى المرة الوحيدة التى قال فيها اتباع موسى او اتباع عيسى كلمة ربنا قالوها عندما اعلنوا انهم مسلمون بينما دائما تقول امةالاسلام “ربنا …” فى الحياة الدنيا والاخرة “ربنا اتمم لنا نورنا…” وفى رأيى ان هذاهو سبب “وكذك جعلناكم امة وسطا لتكونوا شهداء على الناس”

الغرض ان القرأن رغم انه كتاب به تشريع وتاريخ الامم السابقة وقواعد ايمان وعقيدة انما هذا لا يمنع اننا نتأمل فيه ونتمتع بالمتعة العقليه كنوع من التدبر مش بس نقضى حياتنا نقرأه علشان التشريع والاحكام فقط او حتى العظة من قصص الانبياء بس

فكرو تدوروا على نقط وتأملات مثل ما سبق وابعتوا لى على ahelway@hotmail.com

زى ما وعدتكوا اننا حنبقى مدونة جديدة وجامدة لو بصيتوا على اللينكات اللى فى شمال الصفحة (ساعات بتبقى تحت فى النسخ القديمة من الاكسبلورر) حتلاقوا صفحة تاريخ وصفحة سياسة ولسه الباقى فى الطريق

ويا جديد يا جامد يا تشى نبيل 

طبعا اغلب الاهلوية اللى انا منهم جالهم الضغط اليومين اللى فاتوا بسبب شماتة جمهور الفرق اللى بيقولوا عليهم منافسين للاهلى علشان متش النجم

طبعا السبب مش ان الاهلى العظيم النادى الكبير الاعظم فى افريقيا -غصب عنهم- كان وحش السبب كله من هذا الرجل الملعون الى يوم الدين

 اخوانى الاهلويةادعوا معى بهذا الدعاء

الله فأن هذا العرجون ابكى 50 مليون شخص وظلمهم واضاع مجهوداتهم ودمر احلامهم

اللهم ماعليك به واجعل ما فعله فى ميزان سيئاته وارنا فيه يوما اسودا لانه ظلمنا

عاش الاهلى عاش عاش رغما عن جميع الشامتين والاعداء

ماحدش يقولى حراملاى عييت بجد والايام السودة اللى عشتها بسببه فارحمونى بقى اتا عاوز افش غلى ومش طايله

وعمر المقصود هنا هو عمر بن الخطاب ثانى الخلفاء الراشدين واحد اهم صحابة الرسول صلى الله عليه وسلم واحد العشرة المبشرين بالجنة الملقب بالفاروق لان الله فرق به بين الحق والباطل وهو الذى قال فيه الرسول الكريم ” لو كان نبى من بعدى لكان عمر “ولكن كيف يواجه عمر الوهابيين وهو متوف قبلهم من الاف السنين؟

ان عمر بن الخطاب واجه الوهابيين بمواقفه وتصرفاتهم مواجهة فكرية قبل ان

يكونوا بمئات السنيين وهو ما سنحاول ان نوجزه هنا

1.    عمر فى مواجهة تقديس النص: عندما تولى عمر الحكم نظر اولا الى ما فيه مصلحة حكمه وفضله على النص واثبت مرونة شاملة لاحكام الاسلام وذلك حينما الغى نصيب المؤلفة قلوبهم من الزكاة رغم وجود نص قرانى صريح بهذا لا جدال عليه ولكن لعدم حاجة الاسلام مع اتساع رقعة الدولة لهم وجه عمر نصيبهم الى بيت المال مع بقاء النص والايمان بقدسيته طبعا

2.    عمر فى مواجهة الجمود والتخلف:كان عمر اول من نظم الدواوين اخذا الفكرة من فارس واستعان فى تنظيمها بالعديد من غير العرب اى انه لم يخاف من التطور فى نظام المجتمع ولم يحافظ على صورة مجتمع المدينة الاول بالكامل لان المصلحة كانت فى التطوير

3.    عمر وحق المواطنة: وفى قصة عمر مع المواطن القبطى الذى ضربه ابن الوالى –عمرو بن العاص- فذهب يشتكى لعمر فاستدعى عمر الى المدينة عمرو بن العاص وولده وجعل القبطى يضرب ابن الوالى ليأخذ حقه فأى صورة اعلى لحقوق المواطنة من تلك فعمر اعطى القبطى حقه دون النظر الى دين او قبيله او جنس بل واراد ان يضرب القبطى عمرو بن العاص ايضا فاى عظمة بعيدا عن النظرة العنصرية للوهابيين

4.    عمر والفصل بين الدين والسياسة: وهى نقطة هامه جدا يقول الاستاذ العقاد فى عبقرية عمر” كان عمر كالجندى المستعد دائما لتنفيذ الاوامر ولكن ان وجد شيئا يريد النقاش فيه اثاره وراجع فيه قائده- الرسول محمد صلى الله عليه وسلم – فأن اصر القائد فأنه ينفذ فورا” وما يعنينا هنا ان عمر تعامل بطريقة مختلفه مع محمد قائد المدينة ومحمد الرسول اى فصل بين السلطة الدينية والمدنية ولم ينقص هذا من قدره قط ولم يكن سببا للتشكيك فى ايمانه فكم من موقف راجع عمر فيه الرسول بل وصل الامر للاعتراض عليه فى صلح الحديبية حتى تحلل الرسول من احرامه ففطن الى ان هذا وحى فتحلل هو الاخر وسائر المسلمين والتزم عمر فى نفس الوقت بقيادة الرسول واطاعه طاعة عمياء فى الامور الدينية فهو مع الرسول يستوضح ويناقش الى ان يتحول الامر الى الجهة الدينية فلا نقاش ولا جدال

وفى النهاية اقول للوهابيين راجعوا تاريخ الصحابة والاسلام لتدركوا روعة الاسلام الحقيقى بعيدا عن تخلفكم وجمودكم

حسنا لا اعلم من اين أبدأ ولا ماذا أقول انه انا محمد نبيل السيد حسن صابر العبد الفقير الى الله -وشكرا للحكومة- اعزب والحمد لله

ولكن لماذا تلك المدونة؟ الغرض منها انها تعبر عن صاحبها زى اى مدونة ولكن اوعدك انها ستكون جديدة ستكون للسياسة والتاريخ والرياضة والموسيقى واستأذنكوا فى جزء شخصى ايضا - انتم لستم اغراب-

ولماذا اسم تشى نبيل؟ تشى ينتمى الى تشى جيفارا وده بطل عظيم انا لست شيوعيا ولكن بطولة تشى انه امن بفكرة وضحى علشانها وده ياريت يبقى مثل لكل مؤمن يأى فكرة

ونبيل هذا هو أبى الاستاذ الجامعى وهو مثقف ظريف وابن نكتة واستاذ جامعة فى نفس الوقت وهو كل حاجة حلوة بس عصبى شوية

اما الاهتمامات الخاصة بيا فهى مصر

والعائلة

والاهلى لانى اهلاوىمتعصب جدا جدا جدا جدا جدا

على العموم لن اصيبكم بالمزيد من الصداع ولكن انتظروا الكثير

وهذا وعد منى

محمد نبيل صابر

che-nabil.com