تشى نبيل

اعزائى اعضاء تشى نبيل

اشتركوا فى حزبى التخيلى على facebook

على الرابط التالى علشان نخش الانتخابات فى جروب حمهورية مصر العربية

http://www.facebook.com/group.php?gid=9950188135&ref=mf

مستنى اقتراحاتكم واشتراككم فى الحزب علشان نعمل كل اللى نفسنا فيه

كل سنة وانتوا طيبين تانى بمناسبة العام الهجرى الجديد

طبعا كلنا لما نقف فى طابور فى مصلحة حكومية ولا لما نقف مده طويلة فى اشارة او لما حد نعرفه يبقى مش لاقى شغل اسها بتتعمل -لو مش مننا تبقى من اللى حوالينا- نروح شاتمين البلد واللى فيها

لو سمحتوا ادوا نفسكم دقيقة فكروا فى اللى بتعملوه

مصر فيها فساد ……….. هاتوا بلد ما فيهاش فساد

مصر فيها حرامية وناس بتأكل عرق الغلابة ……………. لغوا الاشتراكية من الدستور وكله بقى بالقانون

مصر مش نضيفة ………… انتوا دولة عالم ثالث ودول اغنى منكم شوية وناسها اكثر وبرده مش نضيفة وشوفوا الهند مثلا

مصر فيها وفيها وفيها……………………. طب وهى لوحدها اللى كده

بس ممكن نبص من ناحية تانية

مصر فيها بيتنا والشارع اللى لعبنا فيه

مصر فيها قبور اجدادنا وفيها مدرستى وكليتى وشغلى

فيها صحابى والبنت اللى حبتها وحيبقى منها مراتى وفيها ولادى

مصر فيها النيل وكورنيش اسكندرية وضحكة العيلة

مصر فيها لمتنا فى العيد وسهرة الوقفة لغاية الفجر

مصر فيها احنا

كلام رومنسى انا عارف

بس فاكرين الحكمة ” ان تضئ شمعة خير من ان تلعن الظلام”

لازم نتغير احنا علشان نغير

ولا زم نحب مصر بجد علشان نغير

نقول كمان؟