مصر فوق الجميع
30 December 2008اخوانى فى شباب من اجل مصر
نتابع كلنا ما يجرى لاخواننا فى غزة
وتملئ اعيننا الدموع من الج المشاهد المؤلمة لما يحدث
وندير مؤشر التلفاز لنشاهد مظاهرات فى دول لم تطلق رصاصة من اجل فلسطين بل ومنها دول معروف بالخونة ودول ابادت الفلسطنييين فى حرب المخيمات لمدة 3 سنوات
المظاهرات تندد بمصر وتحاول الاعتداء على السفارة المصرية وتهين رئيس مصر وشعب مصر
وخطب حنجورية تدعو لانتفاضة ضد الاستقرار والنظام وتدخل الجيش فى السياسة كخطبة السيد حسن نصر الله
وتتوه الحقائق لذا لزم التوضيح
اولا: تقود الحملة المسعورة ضد مصر ايران وهى دولة لم تطلق رصاصة بالفعل من اجل فلسطين رصاصة واحدة ولن نقول صاروخ من صورايخ شهاب 3 و4
ثانيا: نحن كمصريين نرفع شعار مصر اولا ومصر فوق الجميع
ثالثا: السيد حسن نصر الله نفسه لم يرد على الرئيس اللبنانى الذى اعلن رفضه لاطلاق اى صاروخ او رصاصة من الجنوب اللبنانى لمساندة غزة حفاظا على امن وطنه
يبقى ازاى امن الدنيا كلها مهم ومصر مش مهم
رابعا: حماس اطلقت بمب العيد وتقول عليه صواريخ واعلنت رفضها لتمديد وقف اطلاق النار
لو انت مكان اسرائيل وجنبك عيل غلس
لو ضربته بدون سبب حيبقى منظرك وحش
حتعمل ايه؟
حتقف ادام العالم وتقول انا باضرب بالصوريخ (رغم انه بمب بس حماس هى اللى مسمياها صواريخ) وفى نفس الوقت حماس هى اللى قالت انها مش عاوزة وقف اطلاق النار
يبقى اللى يحط ايده فى النار قاصد مايعيطش
خامسا: حماس منعت الحجاج الفلسطنيين من دخول رفح والسفر لاداء المناسك لانهم واخدين تأشيرات من رام الله ومنعت الجرحى لانها قالت ان المعبر يبقى مفتوح للجميع
والمعبر ده سلطة مصرية احنا ما بناخدش اوامر من حماس ولا اللى وراها
سادسا: حلم اسرائيل الاكبر هو الترانسفير يعنى نقل سكان غزة لسيناء والضفة للاردن ويبقى مفيش مشكلة فلسطينية من الاساس
يعنى لو فتحنا المعبر وهجموا زى الجراد زى المرة اللى فاتت بقلة ادبهم وسلاحهم ضد الجنود المصريين وابتدوا يستقروا فى سيناء زى ما هما عايزيين يبقى بنساعد اسرائيل وحماس بتساعد اسرائيل
عرفنوا مين العميل؟
مصر تشتم ليه اذا كان اصحاب المشكلة نفسهم باعوا القضية علشان كرسى الحكم فى سلطة وهمية
بذمتكم مش وضع يحرق الدم
بالمناسبة حماس اخلت سجن السرايا من المجرمين والقتلة وسابت جواه بس المعتقلين من فتح علشان عارفة انه لازم يضرب لانه جوة مقر قيادة قواتها
شفتوا اللى بيبكوا على غزة بيعملوا ايه
عاشت مصر اولا وفوق الجميع