تشى نبيل

مصر أولا” - 14 فبراير

▄▄▄▄▄▄▄▄▄▄▄▄▄▄

مــــــــصـــــــر

أيا كان دينك أو أسمك أو جنسك أو سنك .. المهم تكون مصري الجنسية

من أي نجع، كفر، قرية أو مدينة في مصر المحروسة

بسم وحدتنا، اللي بنتمسك بيها، وبدمنا بنحميها،

وإحتراما لتاريخنا ولجل ما نتعلم دروس حاضرنا ونصنع مستقبل مشرف لشباب مصر وأطفالها

من أجل عودة قوة مصر وإعترافا بحضارتها العريقة

التي بتضم حضارات كثيرة إنصهرت كلها في حضارة واحدة

وفي القلب منها، في قاهرة الغزاة

حنتجمع كلنا، في وقفة سلمية يوم 14 فبراير الجاي الساعة 5 مساءً  

حنقف في ميدان التحرير، رافعين قلوب عليها أسم مصر

وحنعبر عن حبنا لبلدنا، اللي هي أول أولويتنا،

حنتحد زي يوم ما عبرنا

وحنعبر تاني بوحدتنا

مصر مش واحد ولا أتنين، مصر ملايين الملايين

مصر بتاعتك وبتاعتي وبتاعتنا كلنا

مصر المبادئ والقيم والدين،

اللي بعض الناس بيستهدفوها، بأسم الدين

ما ينفعش نسيبها لحد يفرق بينا،

تعالوا نقف مع بعض لحب مصر

نحط مصر فوق كل شئ،

علشان مصر ترجع تاني،

مصر

بنحبك يا مصر

وبندعي كل جروب عايز يشترك مع الجروبات اللي منظمة الإفنت ده، تبعت

ويشرفنا أن أي جروب مصري يشترك معانا

من أجل مصر،

بنحبك ونموت فيكي

يا أحلى بلاد الدنيا يا مصر